MARCH 28 MARCH:DEMONSTRATIONS TO KNOCK SOME SENSE INTO THE BRAINS OF G20 LEADERS- LONDON. MAANDAMANO JIJINI LONDON

What we want? PUT THE PEOPLE FIRST; When we want it? NOW!!!
BAILOUT THE PEOPLE; NOT THE BANKERS!!!!!!!

A section of the tens of thousands at the Hyde Park Rally -London on he 28th March!!!!

For more pictures click HERE

KUPIGWA KWA MZEE MWINYI - 'SECURITY IS LIKE A MYTH IT DOESNT EXIST'

(for the english version of the saga read here)

Niungane na watanzania wengi waliofadhaishwa sana. waliosikitishwa na kuumizwa sana kwa kitendo cha kupigwa kwa mzee Ruksa (kutazama kipande cha video kuhusu tukio hilo bofya hapa - chanzo:jamii googlegroups). nimeumizwa nafsi nilipoangalia na kutazama kipande hicho na kwa kweli ninashawishika kuamini kwamba hakiwezi kuhalalishwa au kuhalalishika kwa namna yoyote iwayo. Lakini tuna mengi ya kujifunza kwa tukio hilo. hivi usalama uko wapi?

Jamaa, Ibrahim Said (ambaye Suleiman Kova, kamanda wa kanda maalum ya dar es salaam ya kipolisi anajaribu kuanza kuziandaa akili zetu ziamini hayuko timamu) alitoka alipoketi, kajongeambele, akapanda jukwaani, akasogea kwa mzee ruksa, akajipinda (kama anapiga penalti, akamnasa kibao mzee wa watu!!!!).

Inashangaza na kustaajabisha kwa jamii ya kitanzania iliyoshibishwa imani ya kutisha kuhusu ufanisi wa 'vijana wa kazi' wa usalama wa taifa na majeshi yetu ya ulinzi na usalama (au ndiyo habari zile zile kama za 'tusiponunua mitambo ya Dowans eeeeh balaa linakuja!!!!). Katika jamii ya kitanzania ambamo mahela na mijifedha isiyokaguliwa inatumika kwenye kuwaandaa na kuwafunza na kuwastawisha vijana wa kazi, inakuwaje habari ya lijitu flani hivi kuinuka na kumnanga kibao si tu cha aibu bali cha haja pia, mzee wetu hadharani?

Ama kweli vijana wa kazi wapo tu kwa ajili ya kushughulika na matukio, si kuzuia matukio (reactive na siyo proactive), maana tumewaona walivyofanya mbwembwe za mitama na kumbeba mzobemzobe yule jamaa, lakini angekuwa na kisu ishakuwa tayari mzee ruksa keshadhulika, usiseme kuhusu bunduki na mabomu!!!

kwa tukio hili nashawishika kuamini kwamba, USALAMA NI KAMA IMANI TU, HAUPO POPOTE!!! Kwa waumini wa dini, UPO MIKONONI MWA MUNGU, kama msemaji mmoja alivyoliweka vema, SECURITY IS LIKE A MYTH, IT DOESNT EXIST!!!

Pole mzee mwinyi kwa mshtuko na maumivu,
Pole watanzania kwa kufadhaishwa na kufikirishwa,
Lakini zaidi pole wanausalama na wazandiki wote maana mnakazi ya kusafisha picha ya utendaji wenu legevu!!!

KUNJI KILA MAHALI

Mamia ya wanafunzi wa vyuo mbali mbali vya elimu ya juu jijini London mchana wa tarehe 25 .2. 2009 waliandamana kupinga kupanda kwa ada za elimu ya juu.Wanafunzi hao walikusanyika kwenye viunga vya School of Oriental and Frican Studies (SOAS) jijini London kutoa dukuduku lao kutaka ELIMU IWE YA BURE NA KILA MWANAFUNZI ALIPIWE GHARAMA ZA KUISHI AWAPO CHUONI.Wanafunzi hao waliungwa mkono na taasisi mbali mbali zenye kupigania haki za binadamu.

Hawakupigwa mabomu ya machozi wala virungu havikutembea!!!!!!!!!

MAMBO YA THELUJI YA LONDON/ SNOWY LONDON

DEVELOPED OR NOT, WE ARENT RIPE ENOUGH: theluji ya Uingereza

Kama inavyojulika kote duniani Jiji la London (na sehemu kubwa ya Uingreza) leo (Jumatatu) limepigwa na bumbuwazi kutoka na janga la kuanguka kwa theluji/barafu? Inaelezwa barafu nzito namna hii ni ya kwanza kutokea katika miaka 18 iliopita, kwa hiyo kwa hapa imekuwa afadhali, maana wenyeji na wageni sote tunashangaa shangaa.

Matokeo ya hali hii wakazi wa jiji hili wamejikuta wakihangaika kwa mambo mengi, hususan usafiri kugota. Barabara zimejaa ‘tope’ la theluji.

Wengine sisi wa kuja tumefurahi kuona hali hii maana kwetu kijijini nasikia hadithi tu, kwa hiyo pamoja na baridi kuwa kali, wadaku kama mimi vyumba havikukalika. Kubwa lililonipa kisebusebu ni kwenda kuangalia wenzetu wanakabili vipi hili janga (wameendelea watu hawa). Kikubwa ni kwamba taarifa za hali hii mbaya zilishatolewa mapema, nadhani siku tatu au tano nyuma.

Bwana weee, hakuna cha kuendelea wala nini, lijikiwanja lao la Heathrow tumeambiwa hapakurukika mijidege wala kutua, matreni yao ya mapangoni almaarufu kama ma’tube’ kwa njia za kuingia katikakati ya London nadhani ni Picadilly line tu. Mabasi ndiyo usiseme, halikuwepo hata moja barabarani (kwa maeneo niliyozurura na kwa mujibu wa taarifa za habari) ungeambiwa utafute moja la dawa, we anza kufa mapema, hulikuti. Inaelezwa kuwa ndiyo mara ya kwanza mabasi yao kuwahi kusitisha safari.

Kutokana na hali hiyo ya usafiri kupooza, shughuli nyingi hapa central London zilizimia. Mabenki yalifungwa, maduka muhimu vivyo, usiseme kuhusu shule na vyuo, walimu (wanafunzi pia) hawakufika, shule itakwenda vipi, hapa na hata vyuo vingine maktaba hazikufunguliwa, wahudumu hawapo!!!!

Ingekuwa kwa Alhaj Kimbisa Dar au Kapunga kule mbeya, tungesema aah bwana umaskini, oo dunia ya tatu sijui mara nini. Sijifariji, wala sifurahii tunavyoshindwa kukabili majanga yanayoepukika, lakini ninachojifunza ni kwamba matatizo ya nchi zinazoendelea yanasababishwa na sababu zaidi na labda tofauti na zile zinazotajwa kila siku ‘conventional’, ama sivyo hawa jamaa wasinge ‘bakwa’ na hali hii, maana walau walijua na wameendelea hawa!!! BINADAMU NI WALE WALE. MENGINE MBWEMBWE TU!! HAKUNA LOLOTE! UZUSHI MTUPU. WIZI MTUPU!!

Ahsante
Tazama picha zaidi kwenye PHOTO GALLERY kulia kwako

MAMBO YA THELUJI YA LONDON