AHADI KUMI ZA RAIS KIKWETE KWA WATANZANIA: JE BADO LIPO TUMAINI???

Mojawapo ya Hotuba muhimu alizowahi kutoa mhe. Rais jakaya Mrisho Kikwete ni ile aliyoitoa akifungua rasmi bunge 'jipya' la Jamhuri ya Muungano ya Tanzania, Desemba 30, 2005. Tujikumbushe ahadi alizotoa (mambo kumi) tujihoji na kuhoji TUMEFANIKIWA KWA KIWANGO GANI hadi sasa tunapoelekea kumaliza ngwe hiyo ya miaka mitano!!! HAYA TWENDE:

"...Kwa kuzingatia majukumu haya ya msingi, na mbinu na mikakati mbalimbali ya kuyatekeleza, Watanzania watarajie mambo kumi yafuatayo katika miaka mitano ijayo:

1. Serikali ya Awamu ya Nne itahakikisha kuwa Amani, Utulivu na Umoja wa nchi yetu na
watu wake vinadumishwa;

2. Serikali ya Awamu ya Nne itadumisha na kuendeleza mafanikio yaliyopatikana tangu
Serikali ya Awamu ya Kwanza hadi leo;

3. Serikali ya Awamu ya Nne itaendeleza vita dhidi ya umaskini, ujinga na maradhi, tena kwa ari mpya, nguvu mpya na kasi mpya;

4. Serikali ya Awamu ya Nne itatimiza ipasavyo wajibu wake wa utawala na maendeleo, na
itaendesha dola kwa misingi ya utawala bora na uwajibikaji; utawala wa sheria unaoheshimu na kulinda haki za binadamu;

5. Serikali ya Awamu ya Nne itaimarisha uwezo wake wa kulinda maisha na mali za raia wake. Tutapambana na uhalifu wa kila aina, na majambazi hayataachwa yatambe yatakavyo;

6. Serikali ya Awamu ya Nne itahakikisha mipaka ya nchi yetu ipo salama. Hatutamruhusu mtu au nchi yeyote kuchezea mipaka ya nchi yetu na uhuru wetu;

7. Serikali ya Awamu ya Nne itafanya kila iwezalo kuhakikisha Tanzania ina mahusiano
mazuri na mataifa yote duniani, pamoja na mashirika ya kimataifa na kikanda;

8. Serikali ya Awamu ya Nne itajali sana maslahi na mahitaji ya makundi maalum katika jamii kama vile wanawake, vijana, watoto, wazee, walemavu na yatima;

9. Serikali ya Awamu ya Nne itaongoza mapambano mapya ya kuhifadhi mazingira ili
vizazi vijavyo virithi nchi nzuri, na msingi imara wa maendeleo endelevu; na

10. Serikali ya Awamu ya Nne itaendeleza michezo, na shughuli za utamaduni na
burudani."

Maneno mazuri sana haya. Je tumeyafikia? Tafakuri ya utekelezaji wa haya yaweza kuwa mwanzo mzuri wa kuamua mustakabali wa upigaji kura wetu tunapochagua viongozi wa serikali za mitaa na mwakani madiwani na wabunge na rais wao!!!

MCHAKATO WA JK WA KUTENGANISHA UONGOZI NA BIASHARA UMEFIKIA HATUA GANI?

Mojawapo ya Hotuba za Rais wetu Jakaya Kikwete iliyonigusa ni ile aliyozungumzia suala la kutenganisha Uongozi na Biashara. Soma hapo chini sehemu ya hotuba hiyo. Hata hivyo sentensi hii yaweza kuwa muhimu zaidi pengine (way forward),


"Kwa ajili hiyo ni makusudio yangu kuanzisha mchakato wa kufanya marekebisho ya Sheria ya Maadili ya Uongozi ili tuingize utaratibu huo." alisema Mhe. Rais.

Ni zaidi ya amwaka mmoja na nusu sasa; Je mchakato umeshaanza na Umefikia hatua gani? Tafadhali mliona taarifa tushirikisheni. Nini kilimsukuma rais kusema maneno haya kwa kishindo? Je yaweza kuwa kweli kwamba HOFU YA RIPOTI KUHUSU RICHMOND Ilichangia kumfanya rais wetu akimbilie kusema hivyo kama njia ya kuwakoa baadhi ya 'jamaa zake' ambao wangeweza kuwahusishwa na kashfa ya Rchmond? Na kwamba baada ya sakata la Richmond kuisha au kuendelea kuisha kama hali ilivyojitokeza, rais wetu akakosa nguvu na msukumo wa kuendeleza au hata kuanzisha mchakato? Kama kweli hajauanzisha basi ndugu mliokwenye nafasi ya kumkumbusha, HEBU MKUBUSHENI JAMANI, walau hili likitendeka, tutakuwa tumemuenzi Baba wa Taifa na Azimio 'lake' la Arusha na maudhui ya kimaadili yaliyokuwemo.

Soma sehemu ya hotuba ya Rais kwa wananchi, 31 Januari, 2008.

"Tutenganishe Uongozi na Biashara


Ndugu Wananchi;
Jambo la mwisho ninalotaka kulizungumzia linahusu maadili ya uongozi nchini. Hususan napenda kulizungumzia suala la viongozi wa siasa Mawaziri na Wabunge kuwa pia watu wanaojihusisha na shughuli za biashara moja kwa moja. Upo ushahidi wa kuwepo migongano ya maslahi kwa baadhi. Lakini, pia, hata pale ambapo hakuna dalili za wazi, hisia za kupata manufaa yanayotokana na nafasi zao hutawala. Matokeo ya yote hayo ni watu kupoteza imani na kutilia shaka uadilifu wa viongozi wetu.

Ndugu Wananchi;
Nchi za wenzetu hasa zile za kibepari zinazo taratibu nzuri za kushughulikia hali hizo. Wenzetu wanao utaratibu unaomtaka mtu mwenye shughuli za kibiashara anapokuwa Mbunge au Waziri kuacha kujishughulisha na biashara zake. Unakuwepo utaratibu rasmi unaotambuliwa kisheria wa wadhamini wanaoendesha hizo shughuli bila ya yeye kujihusisha nazo. Anapoacha uongozi wa siasa kama atapenda atachukua tena mali yake na kuendelea na shughuli zake.
Ni makusudio yangu kuwa utaratibu huu tuuanzishe hapa nchini. Viongozi wetu wachague kufanya jambo moja kwa wakati mmoja ama biashara au Ubunge na Uwaziri. Kwa ajili hiyo ni makusudio yangu kuanzisha mchakato wa kufanya marekebisho ya Sheria ya Maadili ya Uongozi ili tuingize utaratibu huo.


Ndugu Wananchi;
Ni jambo lenye maslahi kwa nchi yetu na litasaidia sana kujenga heshima ya viongozi wa umma mbele ya macho ya wananchi. Nafurahi kwamba suala hili tumelizungumza katika kikao maalum cha Kamati Kuu ya CCM tulichofanya Dodoma juzi tarehe 29 Januari, 2008 na tumeelewana. Ni matumaini yangu kuwa sote tutaunga mkono.


Mwisho, nawatakia kila la heri kwenye shughuli zenu. Tuendelee kushirikiana kuijenga na kuiendeleza nchi yetu. Asanteni sana kwa kunisikiliza."

LAITI CCM KINGEZINGATIA MANENO HAYA YA BABA WA TAIFA

Anaweza kuwa alifanya makosa, alikuwa binadamu;
Wanaweza kutofautiana naye nia kama viongozi, aliipenda zaidi Tanzania;
Wanaweza kujifanya wanamuenzi kinafiki; walianza tangu zamani;

HATA HIVYO NI VEMA, WAKASIKIZA NA KUZINGATIA MANENO YA MWALIMU ILI CHAMA NA TAIFA LISIENDE MRAMA:

"Kila mtanzania, kila mtu kijijini, kila mjumbe wa halmashauri ya wilaya, kila mbunge n.k lazima aweze kusema kwa uhuru bila hofu ya vitisho ama katika mkutano ama nje ya mkutano" J. K. Nyerere (1974) kwenye Binadamu na Maendeleo.


"Watu wenye mawazo tofauti, hata kama wakiwa wachache, lazima wawe na haki ya kutoa mawazo yao katika majadiliano bila ya hofu ya kusumbuliwa; mawazo yao na yashindwe katika hoja za majadiliano, siyo kwa vitisho au mabavu." J. K. Nyerere (1974) kwenye Binadamu na Maendeleo.

Nawasilisha

WHERE DOES OUR CHILDHOOD CREATIVITY VANISH TO??

I photographed this boy in a neighbourhood in my village during funeral of my beloved dad, recently.

I would like to dedicate these photos to all friends and comrades who in one way or the other were there to encourage and console me. It is my special gift to those who emailed me; sent me sms; called me; prayed for us and all those who mourned with us silently in their hearts. May you please accept this!!

This boy reminded me of those times; his age and a little older or younger;

when most of us did almost the same and a lot more (probably)

when we were that creative and innovative that we managed to create lots of stuff;

We made toy cattle, huts/houses and pots using ‘clay’ soil etc;

We created toys using part of banana plants;

we made foot and netballs from useless paper waste and banana materials;

we made cars, trucks, vans etc using bananas (like this boy), wires, remains of iron, tins, boxes (scrapers???) etc etc etc

I strongly believe the photographed boy is creating that great truck out of insights and imaginations; no copying. As I wondered why he is creating a truck; and it came to me that probably his being near a new secondary school (where trucks frequent bringing construction materials) has exposed him more to trucks than otherwise and that has motivated him.

I as I reflect and focus, I wonder why and how am not or we are not, any longer that creative or even more creative now that we are grownups and learned or rather why only a few of us live up to be usefully creative? Where do the creative and imaginative minds or endowments vanish up to? What happens and why?

I hopelessly wonder whether this village boy will continue imagining and creating as he grows and goes to school (without learning?) Will the education system favour his empowerment for him to sustain his insights and imagination?

Karibu. Changia mawazo

AJALI - UZEMBE NA MAZOEA VITATUMALIZA TANZANIA!!!

Hii imetokea mchana wa leo Julai 24 barabara inayounganisha kitongoji Ilboru na barabara kuu ya Arusha - Moshi, mjini Arusha baada ya madereva mawili waliokuwa wakiendesha kwa kasi kugongana uso kwa uso. Baada ya kugongana kila gari likaelekea upande wake. Almanusra madereva hao wapoteze maisha yao na ya watanzania wengine.
Barabara hiyo hairuhusu kabisa mwendo mkali kutokana na udogo wake na wingi wa watumiaji wa barabara hiyo