Serikali haikuwa na sababu ya kumdhuru Ulimboka?

 Serikali haikuwa na sababu ya kumdhuru Ulimboka?

• Hoja ya kushirikiana naye haina mashiko
• Ushirikiano haukuzaa matunda
• Kuwatisha madaktari si sababu ndogo kwa serikali.

“Kama nilivyosema awali, sioni sababu ya serikali kuhusika na kipigo cha Ulimboka ambaye tulikuwa tukishirikiana naye vizuri kwenye vikao vya majadiliano,” Pinda akijibu Swali la Freeman Freeman Aikaeli Mbowe, jana Alhamis Julai 5 2012. 

Kwa mujibu wa nukuu ya gazeti la Tanzania Daima Julai 6 2012, Mbowe alisema , “Kwa kuwa kumekuwa na ongezeko la matukio ya mauaji kwa raia wasio na hatia na kumekuwa na hisia kwamba matendo hayo yanafanywa na Jeshi la Polisi. Mfano wa matukio hayo ni pamoja na lile la kupigwa kwa wabunge wawili na hili la hivi karibuni la kutekwa kwa Dk. Ulimboka, tukio ambalo limelichafua taifa; je, serikali iko tayari kuunda tume huru kuchunguza matukio hayo?”

Ndipo Waziri Mkuu alipotoa maelezo hayo na pia alisema “Mh. Mbowe, kwanza tukio la Ulimboka sio mfano mzuri sana kwa sababu hakuna mwenye ushahidi wa serikali kuhusika kumteka na kumpiga Dk. Ulimboka...”

Katika hali ya kawaida maelezo ya Mheshimiwa Waziri Mkuu yanaleta maana.  Lakini sio katika hali yenye uvulivuli, ilojaa utusitusi na utata. Bado ziko sababu nyingi na znye mashiko zinazotusukuma kina sisi tunaoamini kuwa serikali, wakala wake au mtumishi aliyekuwa katika kutekeleza majukumu yake ya kutumwa na serikali wanazosababu za kutaka kumfanyia walichomfanyia dkt Ulimboka. 

Hoja ya kushirikiana naye ingekuwa na mashiko iwapo tu ingezaa muafaka. Lakini sasa muafaka haukupatikana, na kumfanya Ulimboka aendelee kuonekana mwiba. Hiyo sababu ya kwanza. Lakini pia wiki lililotangulia waziri mkuu alitamka bayana kwamba mjadala na mbinu za kimahakama zinaelekea kukwama na hivyo serikali ikasema LITAKALOKUWA NA LIWE! Lipi hilo? Tunakosea vipi kuamini hilo ni moja wapo la kuwanyamazisha madaktari.

Ikohoja pia ya watawala duniani kutumia mabavu pale wanapoishiwa au hoja zao kuzidiwa na upande wa pili. VITISHO. Hili linaweza kuwa sababu kubwa  kabisa ya kutaka kumzimisha msemaje, nap engine mwenye msimamo binafsi usioyumba ikiwa pia ni njia ya kuwatisha wengine. Kuna wakati moto huweza kuzimwa kwa mafuta ya taa.

Kama ambavyo watu wengi wameeleza, inawezekana mtumishi wa dola mmoja aliagizwa kutafuta habari kutoka kwa ulimboka kuhusiana na mgomo, baada ya kuzikosa akatumia nguvu kujaribu kuzipata, hilo nalo ni zito sana tu. Kwanini serikali ina pre empty?

Kwanini serikali inaendelea kukana kuhusika ilhali uchunguzi haujafanyika? Sawa, hakuna mwenye hatia kabla ya kuthibitishwa, lkn pale mchunguzi anapokuwa mtuhumiwa mwenyewe natural justice hii inapoteza maana. Kwanini serikali inapata kigugumizi kuhusu kuunda tume huru?

Natamani kukaa kimya.  ILA ROHO INAUMA. INAUMA SANA.